José Manuel Faro Rivas

Breve CV

Doutorouse en Bioloxía cun traballo sobre a resposta inmune murina aos meningococos (Universidade de Santiago de Compostela). Realizou o posdoutoramento na Universidade de Estocolmo (Suecia), no Instituto Pasteur (París, Francia), na Universidade de Jussieu-Paris VI (Francia) e na Universidad de Salamanca. Foi profesor Asociado e Profesor Axudante na Universidad de Salamanca e Investigador Principal no Instituto Gulbenkian de Ciência (Oeiras, Portugal). En xaneiro de 2005 uniuse ao grupo de Inmunoloxía na Universidade de Vigo cunha bolsa-contrato Isidro Parga-Pondal da Xunta de Galicia. É Profesor Contratado Doutor de Inmunoloxía na Universidade de Vigo desde 2009 ata a actualidade. Cunha ampla experiencia en inmunoloxía experimental, comezou na inmunoloxía matemática na busca dun entendemento teórico-cuantitativo dos principais procesos inmunitarios.